Eli Ríos estivo lendo Lo que quede de Irantzu Varela

Lo que quede é unha obra a camiño entre o ensaio, a autobiografía, o relato breve e/ou un proxecto de construción dun mundo mellor.

Irantzu Varela tece e destece toda unha serie de reflexións sobre o machismo, a violencia de xénero, a diversidade,…, que constrúen unha fotografía nítida da sociedade actual, pero non é Lo que quede unha exposición para observala sen movernos, non. A autora vainos deixar no aire unha serie de propostas para intervir, para camiñar cara un espazo en que nos sintamos mellor e, sobre todo, para vivir sabéndonos acompañadas. Non é un relato profético nin de solucións máxicas, senón unha experiencia compartida que nos achega a unha maneira de situarnos nas zonas seguras e nas do querer, nas de moito querer(nos)

.