As comadres recuperan mulleres II. Parteiras e matronas por Marta C. García

Todas as mulleres sabían dos usos do sabugueiro (gripe), do tomiño (antiséptico) e da ortiga (dixestiva e antiinflamatoria), e logo estaban as que coñecían e empregaban a ruda, o gran de corvo ou dentón, a beladona…Ás veces era unha veciña da aldea, ás veces era da vila do lado. Sempre disposta, sempre atenta, sempre comadre.

Perseguidas, temidas, buscadas, depuradas durante o franquismo, case desaparecen; os usos do patriarcado non precisaban dos seus saberes: paciencia, observación, sabedoría, tenrura e mimo.

Mais as mulleres chamaron por elas, e volveron do bosque onde agardaban aprehendendo os novos tempos: saber actualizado, evidencia, protocolos e tamén herbas, tamén paciencia, tamén agarimo.

Poñen en marcha os COF: centros de orientación familiar (Maite Moreira na Coruña), poñen en valor a matrona nas vilas (Beni Castro, A Baña).

As dúas traballando con e para as mulleres.

M. C. García