Eli Ríos estivo lendo... Mulleres na construción da nación galega

 E esta unha publicación de apenas 64 páxinas, pero intensa e que supón a porta de entrada para achegarse a unha boa morea de lecturas que ofrecen as diferentes bibliografias dos artigos. 

Aurora Marco, Pilar G. Negro, Margarida Corral, Carme Vidal, Daniela Ferrández, Montse Fajardo e Lucia Veciño visibilizan, nestes artigos, o papel que desenvolveron as mulleres das Irmandades, nas loitas agrarias, obreiras, na militancia nacionalista, na memoria democrática ou na reivindicación dos dereitos LGBT.

Cada un dos textos vai acompañado dunha serie breve de imaxes, moi potentes, que poñen rostro e individualizan aquelas mulleres que "sufriron consecuencias por unha valentía que hoxe é unha inspiración á hora de imaxinar a Galiza que está por vir"(páx. 64, D. Ferrández)